Tveir Evrópumeistaratitlar og glæsilegur árangur íslenska liðsins í Belgíu

Birt þann af
Svara

Heildarúrslit má nálgast HÉR

Íslenskir keppendur náðu glæsilegum árangri á Evrópumeistaramóti öldunga í ólympískum lyftingum sem fram fór í Waregem í Belgíu dagana 19. – 27. júní. Níu keppendur kepptu fyrir Íslands hönd og uppskáru íslenska lyftingafólkið okkar tvo Evrópumeistaratitla auk fjölda góðra einstaklingsárangra.

Anna Guðrún Halldórsdóttir varð Evrópumeistari í flokki W55 -86 kg. Anna Guðrún lyfti 58 kg í snörun og 76 kg í jafnhendingu, samtals 134 kg og tryggði sér þar með gullverðlaunin. Þetta er jafnframt þriðji Evrópumeistaratitill hennar í röð. Hún hafnaði jafnframt í 16. sæti af 417 keppendum sem kláruðu keppni þvert á flokka.

Annar Evrópumeistaratitill Íslands kom í flokki W45 -77 kg þar sem Hrund Scheving stóð uppi sem sigurvegari með 70 kg í snörun, sem jafnframt er bæting á Íslandsmeti um 6 kg og 86 kg í jafnhendingu, sem jafnframt er bæting á Íslandsmeti um 1 kg, samtals 156 kg og 7 kg bæting á Íslandsmeti hennar. Hrund hafnaði í 31. sæti af 417 keppendum sem kláruðu keppni þvert á flokka.

Í sama flokki hafnaði Erla Guðmundsdóttir í fimmta sæti með 63 kg í snörun, 85 kg í jafnhendingu og 148 kg samanlagt.

Jóhannes Þór Ævarsson keppti í flokki M50 -94 kg og hafnaði í 11. sæti með 78 kg í snörun, 100 kg í jafnhendingu og 178 kg samanlagt.

Gísla Rún Kristjánsdóttir keppti í flokki W45 -63 kg og hafnaði í 12. sæti með 40 kg í snörun, 56 kg í jafnhendingu, sem jafnframt er bæting á Íslandsmeti hennar um 2 kg og 96 kg samanlagt, einnig bæting um 2 kg á Íslandsmeti.

Dísa Edwards keppti í flokki W35 -63 kg og hafnaði í 7. sæti með 68 kg í snörun, 80 kg í jafnhendingu og 148 kg samanlagt.

Margrét Bára Þorkelsdóttir keppti í flokki W40 -69 kg og hafnaði í 4. sæti með 60 kg í snörun, 88 kg í jafnhendingu og 148 kg samanlagt.

Steinun Sveinsdóttir keppti í W60 -86 kg og hafnaði í 5. sæti með 32 kg í snörun, sem jafnramt var bæting á Íslandsmeti im 1 kg, 38 kg í jafnhendingu og 70 kg samanlagt.

Sigríður Lína Viðarsdóttir keppti í W35 -77 kg og hafnaði í 15. sæti með 57 kg í snörun, 70 kg í jafnhendingu og 127 kg samanlagt.

Íslenska kvennliðið hafnaði jafnfram í 9. sæti í stigakeppni þjóða af 10 þjóðum með samtals 164 stig, einu stigi minna en Írland í 8. sæti. Frakkland sigraði liðakeppni kvenna með 215 stig.

Þess má geta að íslensku keppendurnir náðu allir gildum lyftum. Frábær árangur okkar fólks.

Lyftingasamband Íslands óskar öllum keppendum innilega til hamingju með glæsilegan árangur á Evrópumeistaramótinu.

Anna Guðrún Halldórsdóttir með gullverðlaun sín eftir sigur í W55 -86 kg á Evrópumeistaramóti öldunga í Waregem í Belgíu. Þetta er þriðji Evrópumeistaratitill hennar í röð.
Hrund Scheving og Erla Guðmundsdóttir á góðri stundu eftir vel heppnaða keppni.
Kári Walter þjálfari með þeim Hrund Scheving og Erlu Guðmundsdóttur.

Guðmundur Sigurðsson 80 ára

Birt þann af
Svara

Guðmundur Sigurðsson lyftingafrömuður varð 80 ára þann 9. júní. Hann þarf vart að kynna til leiks en þó er líklegt að ekki þekki allir af yngri kynslóðinni afrek hans og framlag til lyftinga.

Guðmundur var sá fyrsti sem gerður var að Heiðursfélaga Lyftingasambandsins árið 2023 þegar afhendingar hófust á 50 ára starfsafmæli sambandsins.

Í tilefni af 70 ára afmæli hans tókum við saman myndir og yfirlit af árangri hans sem enn á vel við: https://lsi.is/2016/06/09/gudmundur-sigurdsson-70-ara/

Viktor og Freyja hlutskörpust á glæsilegu sumarmóti LSÍ

Birt þann af
Svara

Sumarmót LSÍ fór fram sunnudaginn 24. maí í Íþróttahöllinni á Akureyri í umsjá lyftingadeildar KA. Óhætt er að segja að mótahaldið hafi verið til fyrirmyndar, skipulagið var til gott og fagleg vinnubrögð einkenndu mótið frá upphafi til enda.

Keppendur stóðu sig frábærlega og sýndu margir hverjir feiknagóða takta á pallinum. Hér á eftir fylgja helstu úrslit dagsins

Nálgast má heildarúrslit í gagnagrunni sambandsins: https://results.lsi.is/meet/sumarm-t-ls-2026

Stigahæstu keppendur í karlaflokki

Í karlaflokki sáust gríðarlega flottar lyftur þar sem Viktor Jóhannes Kristófersson tryggði sér efsta sætið með glæsilegum árangri.

  1. Viktor Jóhannes Kristófersson (KA)
    • -110 kg, 130/162 = 292 kg og 329.4 Sinclari stig
  2. Tindur Eliasen (Lyftingafélag Reykjavíkur)
    • -88 kg, 120/138 = 258 kg og 319.4 Sinclair stig
  3. Arnar Bjarki Kristjánsson (KA)
    • -88 kg, 104/137 = 241 kg og 295.7 Sinclair stig

Stigahæstu keppendur í kvennaflokki

Kvennemegin var keppnin sömuleiðis jöfn og spennandi þar sem Freyja Björt Svavarsdóttir fór með sigur af hólmi eftir harða baráttu.

  1. Freyja Björt Svavarsdóttir (Lyftingafélag Reykjavíkur)
    • -58 kg, 64/90 = 154 kg og 214.1 Sinclair stig
  2. Steindís Elín Magnúsdóttir (Lyftingafélag Reykjavíkur)
    • -69 kg, 72/95 = 167 kg og 208.7 Sinclair stig
  3. Valdís Brynjarsdóttir (Lyftingafélag Reykjavíkur)
    • -77 kg, 82/93 = 175 kg og 207.0 Sinclair stig

Íslandsmet

Lyftingakarl ársins 2025 Bergur Sverrisson setti nýtt íslandsmet á heimavelli í opnum flokki í snörun í -88 kg flokki þegar hann lyfti 138 kg. Hann náði því miður ekki gildri lyftu í jafnhendingu en Bergur var að reyna við lágmörk á Heimsmeistaramótið sem fram fer í Kína í lok október þar sem hann stefnir að því að keppa í -85 kg flokki.

Birna Salóme Friðriksdóttir setti jafnhendingarmet í flokki -63 kg U17, 73 kg.

Hólmfríður Bjartmarsdóttir setti tvö met í -77 kg flokki U17, þegar hún jafnhenti 78 kg og einnig met í samanlögðum árangri 138 kg.

Tristan Bergmann Einarsson setti fjölmörg met í -71 kg U15 og U17 og lyfti mest 57 kg í snörun, 80 kg í jafnhendingu, samanlagt 137 kg.

Guðjón Gauti Vignisson setti sömuleiðis nokkur met í -94 kg U17 þegar hann lyfti 100 kg í snörun, 120 kg í jafnhendingu og 220 kg í samanlögðum árangri.

Jóhannes Þór Ævarsson setti þrjú met í -94 kg M50 flokki þegar hann snaraði 78 kg, jafnhenti 104 kg og best 182 kg í samanlögðum árangri.

Liðakeppnin

Lyftingafélag Reykjavíkur sýndi mikla breidd á mótinu og vann liðakeppnina með talsverðum yfirburðum. Heimamenn í KA og Lyftingafélag Kópavogs háðu sömuleiðis harða baráttu.

Lokastaða félaga (samanlagður stigafjöldi karla og kvenna):

SætiFélagStig
1.Lyftingafélag Reykjavíkur47 stig
2.Lyftingafélag Kópavogs20 stig
3.KA12 stig
4.Kraftlyftingafélag Akraness8 stig
5.UMFN – Massi5 stig

LSÍ óskar keppendum til hamingju með árangurinn og færir lyftingadeild KA bestu þakkir fyrir frábæra framkvæmd og framúrskarandi umgjörð á Akureyri!

Við þökkum Gatorade á Íslandi, Next Level Gaming og Hreysti fyrir stuðninginn við umgjörð mótsins en sigurvegarar í karla- og kvennaflokki fengu auk verðlauna, veglegar gjafir.

Sumarmót LSÍ – keppendalisti

Birt þann af
Svara

18 keppendur eru skráðir á sumarmót LSÍ sem fer fram í Íþróttahöllinni á Akureyri, sunnudaginn 24. maí. Lyftingadeild KA hefur umsjón með mótinu.

Vigtun hefst kl. 10:45 fyrir alla keppendur

Keppni í kvennaflokki hefst kl. 12:45

Keppni í karlaflokki hefst kl. 14:45

Konur

Last NameFirst NameTeamBirth YearCategoryEntry Total
ÓlafsdóttirBirnaLyftingafélag Kópavogs200853100
FriðriksdóttirBirna SalómeLyftingafélag Reykjavíkur200963127
BjarnadóttirBrynja MaríaLyftingafélag Reykjavíkur199086130
JónsdóttirEyvör HallaLyftingafélag Reykjavíkur199969150
SvavarsdóttirFreyja BjörtLyftingafélag Reykjavíkur200558160
BjartmarsdóttirHólmfríðurLyftingafélag Reykjavíkur200977125
KjartansdóttirHólmfríður KLyftingafélag Kópavogs199569145
MagnúsdóttirSteindís ElínLyftingafélag Reykjavíkur200869160
BrynjarsdóttirValdísLyftingafélag Reykjavíkur200477160

Karlar

Last NameFirst NameTeamBirth YearCategoryEntry Total
KristjánssonArnar BjarkiKA200188212
SverrissonBergurKA199488270
EinarssonBjarki FreyrUMFN – Massi200288188
VignissonGuðjón GautiKraftlyftingafélag Akraness200994200
ÆvarssonJóhannes ÞórLyftingafélag Kópavogs197394170
HaukssonKristófer LogiLyftingafélag Kópavogs200888200
EliasenTindurLyftingafélag Reykjavíkur200588269
EinarssonTristan BergmannLyftingafélag Reykjavíkur201171120
KristóferssonViktor JóhannesKA1999110265

Skráning hafin á Sumarmót LSÍ

Birt þann af
Svara

Skráning fyrir Sumarmót LSÍ í ólympískum lyftingum sem fer fram sunnudaginn 24. maí 2026.

SKRÁNING HÉR

Skráningu lýkur 21. maí 2026 kl. 23:59.

Mótið er í umsjá lyftingadeildar KA og fer fram í Íþróttahöllinni við Skólastig á Akureyri

Mótið er Sinclair stigamót og þrír stigahæstu einstaklingarnir af hvoru kyni eru verðlaunaðir.

Afrek á results.lsi.is eru skráð í þann þyngdarflokk sem einstaklingurinn vigtast inn í á mótið þ.e. ekki þarf að ná vigt í þeim flokki sem keppandi skráir sig í.

Upplýsingar um keppendur verða einungis notaðar í tengslum við mótið.

Upplýsingar um keppendur hvers félags verða sendar á forsvarsmenn félaganna til staðfestingar.

Keppnisgjald er kr. 10.000,- og bera keppendur ábyrgð á greiðslu keppnisgjalds (breytingar á mótareglum og þ.m.t. gjaldskrá, tóku gildi 6. maí).

Forskráningargjald er kr. 8.000,- og gildir til og með sunnudagsins 17. maí.

*Stefnt er að því að hefja vigtun kl. 10:30 til að koma til móts við þá sem koma með flugi um morguninn (áætluð koma til Akureyrar með fyrsta flugi frá Reykjavík er kl. 10:15).

Frekari upplýsingar um mótið veitir Birkir Örn Jónsson fyrir hönd KA, á netfangið lyftingar@ka.is eða í síma 844 7377.

Emilía Nótt keppir á HM U20

Birt þann af
Svara

Emilía Nótt Davíðsdóttir er okkar fulltrúi á HM U20 sem fer fram í Ismailia í Egyptalandi 🇪🇬

Emilía keppir þriðjudaginn 5. maí í -69 kg flokki í B hóp. Í hennar flokki eru samtals 20 keppendur.

Keppni í B hóp hefst kl. 08:00 á 🇮🇸 tíma og verður í beinu streymi á Facebook síðu IWF facebook.com/iwfnet.

Áfram Emilía og áfram Ísland!

Craftverslun

Frumherji

SBD

Gatorade

Glæsileg frammistaða Erlu á EM

Birt þann af
Svara

Erla Ágústsdóttir, +86 kg, sýndi glæsilega takta á stóra sviðinu í Batumi þegar hún keppti í B hóp. Mikill og góður gangur hefur verið á æfingum undanfarið og því mætti Erla með mikið sjálfstraust og áræðni. Frammistaðan endurspeglaði greinilega framfarir síðustu vikna.

Erla opnaði snörun á 103 kg sem fóru ekki upp og einhver hrollur gerði vart um sig. Hún sýndi mikinn styrk og reif upp sömu þyngd auðveldlega í næstu lyftu og reyndi svo við 106 kg sem voru nálægt því að fara alla leið. Í jafnhendingu náðí hún fullu setti þar sem hún byrjaði á 120 kg, fór næst í 124 kg, sem fóru upp og endaði svo á því að lyfta glæsilega 127 kg og þar með bæta sinn besta árangur samanlagt um 2 kg.

Samtals því 103/127 = 230 kg og 13. sæti niðurstaðan.

@craftverslun
@frumherji_hf
@gatoradeiceland
@sbdapparel

#LyftingasambandÍslands#oly#Batumi

Þórbergur nálægt sínu besta í Batumi

Birt þann af
Svara

Þórbergur Ernir Hlynsson, -110 kg, steig á svið í Batumi í morgun í C hóp. Æfingar hafa gengið vel undanfarið og því var hann vel undirbúinn og klár í slaginn. Hann opnaði á 144 kg í snörun sem fór upp. Næst reyndi hann svo við 3 kg bætingu á sínu besta en missti stöngina í botnstöðu. Hann mætti ákveðinn í þriðju lyftu, 150 kg sem fóru því miður ekki upp. Eftir góða hvíld opnaði hann í 173 kg í jafnhendingu sem fóru auðveldlega upp. Hann fylgdi því eftir með virkilega góðum 179 kg, 1 kg frá sínum besta árangri. Þriðja og seinasta lyftan var svo tilraun til Íslandsmets en upp vildu ekki 183 kg. Samanlagt lyfti hann því 323 kg, sem er 2 kg frá hans besta árangri. Niðurstaðan 2. sæti af 8 keppendum í C hóp.

Þórbergur er á góðu skriði og þessi frammistaða sýnir góðan stöðugleika og spennandi tíma framundan. Þegar þetta er skrifað þá er hann sem stendur í 11. sæti af 29 keppendum þegar tíu eiga eftir að lyfta í A hóp. Hann mun því neðst geta endað í 21. sæti.

@craftverslun
@frumherji_hf
@gatoradeiceland
@sbdapparel

#LyftingasambandÍslands #oly #weightlifting #batumi

Guðný með Íslandsmet í öllum lyftum á EM

Birt þann af
Svara

Guðný Björk Stefánsdóttir, -69 kg keppti í dag í A hóp í frábærum aðstæðum í Batumi. Guðný mætti vel stemmd og greinilegt að mikill stígandi hefur verið í æfingum hjá henni undanfarnar vikur. Hún opnaði í 94 kg í snörun sem fór auðveldlega upp og setti nýtt Íslandsmet í -69 kg flokknum. Næst reif hún upp 97 kg af miklum krafti og bætti eigið Íslandsmet um 3 kg. Hún reyndi svo við 100 kg í þriðju og seinustu lyftunni, sem hefði verið 2 kg meira en hennar besti árangur, þá í -77 kg flokknum. Þyngdin fór upp en því miður tókst henni ekki að standa upp úr botnstöðunni og í kjölfarið lenti stöngin harkalega á herðunum. Sem betur fer fór ekki illa og gat hún haldið keppni áfram.

Eftir hvíldina mætti Guðný ákveðin á pallinn og opnaði jafnhendingu í 115 kg sem fóru ekki upp. Hún lét það ekki á sig fá og kláraði 116 kg af krafti og setti nýtt Íslandsmet. Lokatilraun til 122 kg og bætingar um 1 kg á sínum besta árangri samanlagt var ótrúleg barátta en Guðnýju tókst því miður ekki að halda stönginni í jafnvægi í efstu stöðu og því endaði hún á að lyfta 213 kg samanlagt, sem er nýtt Íslandsmet í -69 kg flokknum.

Þrátt fyrir krefjandi keppni og töluvert mótlæti, þá kláraði Guðný sína keppni af krafti og setti um leið þrjú ný Íslandsmet í -69 kg flokknum.

Niðurstaðan því 97 kg í snörun og 116 kg í jafnhendingu, samtals 213 kg og 14. sæti af 34 keppendum.

@craftverslun
@frumherji_hf
@gatoradeiceland
@sbdapparel

#LyftingasambandÍslands #oly #weightlifting #batumi

Katla með bætingar í Batumi

Birt þann af
Svara

Katla Björk Ketilsdóttir, -63 kg, steig fyrst Íslendinga á svið á Evrópumeistaramótinu í Batumi, Georgíu í morgun.

Katla opnaði á 86 kg í snörun sem fór létt upp. Næst lyfti hún 89 kg sem fór einnig upp og þar með hafði hún bætt sinn besta árangur í snörun um 1 kg. Hún rétt missti svo 91 kg í lokalyftunni sinni. Í jafnhendingunni byrjaði hún örugglega með því að lyfta 102 kg og ætlaði svo að fylgja því eftir með 106 kg sem fóru ekki upp. Hún mætti ákveðin í þriðju lyftu og með mikilli baráttu tókst henni að ná 106 kg upp og með því hélt hún áfram að bæta sinn besta árangur, aftur um 1 kg.

Samanlagt lyfti hún 195 kg, sem er bæting um 2 kg. Virkilega vel gert Katla!

Árangurinn skilaði henni þriðja sæti í B hóp og sem stendur 15. sæti af 28 keppendum þegar A hópur á eftir að lyfta.

@craftverslun
@frumherji_hf
@gatoradeiceland
@sbdapparel

#LyftingasambandÍslands #oly #weightlifting #batumi